The Noble Qur'an Encyclopedia

በሌሊቱ (በጨለማው) በሚሸፍነው ጊዜ፤ (እምላለሁ)።

በቀኑም በተገለጸ ጊዜ፤

ወንድንና ሴትን በፈጠረዉም (አምላክ) እምላለሁ።

ስራችሁ በእርግጥ የተለያየ ነው።

ያ! የሰጠና ጌታውንም የፈራማ፤

በመልካሚቱ (እምነትም) ያረጋገጠ ሰው

ለገሪቱ እናገራዋለን።

ያ! የሰሰተ በራሱም የተብቃቃ፤

በመልካሚቱም ያስተባበለውማ

ለክፋት እናዘጋጀዋለን።

(ወደ ገሀነም) በወደቀ ጊዜ ያ! ገንዘቡ ከእርሱ ምንም አይጠቅመዉም።

ቅኑን መንገድ መግለጽ በእኛ ላይ አለብን።

መጨረሻይቱም መጀመሪያይቱም ዓለም የእኛው ነው።

የምትንቀለቀል እሳት አስጠነቀቅኳችሁ።

ከእጅግ እድለ ቢሱ በስተቀር የማይገባባትን

ያ ያስተባበለና ከትዕዛዝም የሸሸ እድለ ቢስ (ነው የሚገባባት)።

አላህን በጣም ፈሪ የሆነ በእርግጥ ይርቃታል።

ያ (ከወንጀል) የሚጥራራ ሲሆን ገንዘቡን የሚለግስ፤

ለአንድም ሰው በእርሱ ዘንድ ተመላሽ የሚሆን ውለታ ሳይኖርበት።

ከሁሉ በላይ የሆነውን የጌታውን ፊት (ውዴታ) በመፈለግ ብቻ (ይህንን የሰራ) ሲቀር።

እርሱማ ወደ ፊት (በሚሰጠው) በእርግጥ ይደሰታል።