The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesDefrauding [Al-Mutaffifin] - Moore translation - Rowwad Translation Center
Surah Defrauding [Al-Mutaffifin] Ayah 36 Location Maccah Number 83
Wɩɩbd be ne zãmbdbã.
Bãmb sã n na n vug nebã nengẽ, b pidsdame.
La b sã n na n vug n kõ nebã, ma b sã n na n make, b zãmbdame.
Rẽ yĩnga bãmbã pa tẽed tɩ b na n yik-b lame lɑ?.
Ra zɩsgã raarã.
Raar ning nebã sẽn yikd n yãnese, bõn-naandsã Gʋʋnd yĩnga, tɩ b nɑ n geel b tʋʋmã.
Pa woto ye! Ad nin-wẽnsã sebrã bee Sɩggiin tẽngrã pʋga.
Bõe n wilgd foo Sɩggiine sẽn yɑɑ ɑ soɑbɑ?
Yaa sebr sẽn gʋls n sε, m pɑ toeemdẽ ye.
Wɩɩbd be ne zĩrimbe-rãmbã ra-kãng raare.
Sẽn yagsd-b rolbã raarã
La ned pa yagsd-a, rẽnd maan-n-zʋʋg soab fãa sẽn yaa zunuub soaba.
B sã n karemd a zug Tõnd aayayã a yetame tɩ yɑɑ: "pĩnd rãmb soɑlmɑ".
Pa woto ye! Ad bũmb ning b sẽn tʋmã n lud b sũyã.
Pa woto ye! Ad bãmb yaa b sẽn lill-b rãmbɑ ra-kãng raarã n yi b Soabã yãabo.
Rẽ poorẽ, ad bãmba, b yaa gεhɩɩm Bugmã kẽedba.
Rẽ poorẽ, b yet-b lame: "yãoã la yãmb sẽn da yɩ n yagsdẽ wã".
Pa woto ye! Nin-sõmbsã sεbã be zĩ-zẽkdsẽ.
Lɑ bõe n wilgd foo zĩ-zẽkdsã sẽn yɑ-ɑ soɑbã?
Yaa karaas sẽn gʋls n sε, m pɑ toeemdẽ ye.
Malεgs pẽtbã sεεt-a lame.
Ad nin-sõmsã bee neema pʋgẽ.
B bee b gãas zut n getẽ.
F bãngda b nemsẽ wã neemɑ wã tagmase.
B yũnugd-b-la rã-yɩleng sẽn da page.
A baasgã yaa misk, la rẽ pʋgẽ, bɩ põsdbã põs taab a yĩngɑ.
La b gẽnegd-a-la ne Tasniim ko-nifri.
Yaa ko nif tɩ nin-pẽtsã yũuda.
Ad nin-wẽnsã b ra yɩɩme n laad sɩd-kõtbã.
La b sã n pɩʋʋg-b la b sẽn yĩgisd-ba.
La b sã n lebg n kẽng b zagsẽ wã, b lebgda ne kɩdengɑ tɩ b yaa wʋm-noog rãmba.
La b sã n yã-ba, la b sẽn yete: " ad bãmbã la menemdbã".
La b yaool n pa tʋms-b tɩ b gũus-b ye.
La rũndã, sɩd-kõtbã laada kɩfr-dãmbã.
B bee b gãas zut n getẽ.
Rẽ yĩnga b pa rol kɩfr-dãmb bũmb ning b sẽn da yɩ n tʋmdẽ wã?