The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Most High [Al-Ala] - Somali Translation - Abdullah Hasan Yaqoub
Surah The Most High [Al-Ala] Ayah 19 Location Maccah Number 87
Xurmo weynee oo ku tasbiixso Magaca Rabbigaa ee Sarreeya.
Ee abuuray (uunka) oo ekeeyey.
Ee ah Kan wax walba qaddaray, ee hagay.
Ee ah Kan soo saara daaqa.
Ka dhiga markaas kaddib caws engagan oo madow.
Waxaan kuu akhriyeynaa (Nabiyow) Qur’aanka mana illaaweysid,
Wuxuu Alle doono ma’ahee, Wuxuu xaqiiq Og yahay waxa muuqda iyo waxa qarsoonba.
Waxaanu kuu fududeyn waddada sahlan (Islaamka).
Ee waani, markay wax tari waanadu.
Waxaa waantoobi Kan (ka) baqa (Alle).
Waxaana ka fogaan 'waanada' qofka xun.
Kaasoo geli Naar weyn oo ku guban.
Uusan ku dhimanayn dhexdeeda, kuna noolaanayn.
Waxaa liibaani qofkii ka daahiriya naftiisa (shirkiga iyo macaasida).
Oo xusa Magaca Rabbigi oo tukada.
Waxaadse door biddaan nolosha adduunkan;
Aakhiro baase khayr badan oo baaqi ah.
Hubaal (hadal)kani wuxuu ku yaal Kututbtii hore,
Kutubtii Ibraahiim iyo Muuse.