The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The Most High [Al-Ala] - Uzbek translation - Rowwad Translation Center

Surah The Most High [Al-Ala] Ayah 19 Location Maccah Number 87

Энг олий зот бўлмиш Парвардигорингизнинг номини покланг!

У яратган ва расо қилиб қўйган Зотдир.

У белгилаб, ҳидоят қилиб қўйган Зотдир.

У ўт-ўланни ундириб чиқариб,

Сўнг уни қорамтир хас-хашак қилиб қўйган Зотдир.

Биз сизни қироат қилдирурмиз. Бас, сиз унутмассиз.

Аллоҳ хоҳлагани бундан мустасно. Албатта, У Зот ошкора ишларни ҳам, хуфёналарини ҳам билур.

Биз сизни осонликка муваффақ қилурмиз.

Эслатиш фойда берса, эслатинг!

(Аллоҳдан) қўрқадиган киши эслатмага қулоқ солади.

Бадбахт кимса эса ўзини ундан четга олур.

Катта оловга кирадиган (бадбахт).

Сўнгра у жойда на ўла олур ва на яшай олур!

Дарҳақиқат, пок бўлган киши нажот топгай.

Парвардигорининг номини ёд этиб намоз ўқиган (киши).

Йўқ! Сизлар шу дунё ҳаётини устун қўйяпсизлар!

Ҳолбуки, охират яхшироқ ва боқийроқдир.

Албатта, (Сизга эслатилган) бу (нарсалар) аввалги саҳифаларда бордир.

Иброҳим ва Мусо саҳифаларида.